Ambasadorja e SHBA në Tiranë Yuri Kim ka reaguar në lidhje me Konferencën e Donatorëve. Kim shprehet se përgjegjësia për të shpërndarë paratë është thelbësore. Ajo shton se kjo është arsyeja se përse do të krijohet një Akademi Transparence.
“Transparenca dhe përgjegjësia janë thelbësore. Kjo është arsyeja pse donacionet amerikane do të krijojnë një Akademi të re të Transparencës për të mbështetur qeverisjen transparente, qeverisjen e përgjegjshme ndaj qytetarëve, trajnimet kundër korrupsionit dhe reformën gjyqësore”, shkruan Kim në “Twitter”.
Reagimi i Kim në rrjetet sociale vjen në mbështetje të deklaratës së diplomatit të BE-së Luigi Soreca i cili tha se: “Konferenca e Donatorëve në Bruksel ishte një sukses i madh. Tani është e rëndësishme për të siguruar mekanizma të qartë, efikas, pjesëmarrës dhe transparent të financimit që lejojnë përgjegjshmërinë për fondet.
Të krijojë hapësirë për të gjithë donatorët për të ekzekutuar zotimin e tyre. 9 parimet do ta udhëheqin këtë punë”.
/a.r
