“Sot besimi në botë po lëkundet nga ata që abuzojnë me emrin e Zotit duke marrë jetë të pafajshme”. Ka qenë kjo deklarata e Ambasadorit të
Vatikanit në Tiranë, i cili për herë të parë ka reaguar për kaosin i cili ka përfshirë botën. Duke bërë apel për ndaljen e dhunës ndaj të pafajshmëve, Ramiro
Muliner Ingles, tha se askush nuk mund të vrasë në emër të Zotit. Ai bëri apel për të qëndruar të bashkuar për t’i bërë ballë së keqes.
“Bota është sot në një moment kur besimi po kundërshtohet nga fakte historike në botë. Të gjithë jemi të vetëdijshëm se çfarë po ndodh sot për shkak të pozicioneve radikale dhe të patolerueshme të atyre që abuzojnë në emër të Zotit. Të gjithë ne besojmë në një Zot të mirë dhe mëshirshëm. Nuk mundet që në
emër të këtij Zoti të vrasësh të pafajshëm. Papa Francesku të cilin kam nderin të përfaqësoj në këtë vend, në këto momente ndodhet në Afrikë, në një udhëtim për kurajën. Shumë mendonin se ky udhëtim nuk do ishte i mundur, për shkak të situatës së tensionuar në botë. Por ai preferoi të vizitonte Kenian, Ugandën dhe
Afrikën Qendrore, pikërisht për të mbrojtur Zotin dhe mëshirën në të cilën net ë gjithë besojmë. Në Biblën tonë thuhet se ekzistojnë ca djaj që vetëm nëse
bashkohemi me lutje mund t’i largojmë, pra me forcën e Zotit dhe me sakrificën personale për të mbrojtur të vërtetën dhe vlerat e besimit tonë”, tha ambasadoriRamiro Muliner Ingles.
Ndërkohë kreu i Komitetit Shtetëror të Kulteve hodhi poshtë aludimet për objekte kulti jashtë kontrollit në vend. Ilir Dizdari tha se është duke u bërë një inventar i
hollësishëm, por deri tani nuk ka shifra të sakta të objekteve që janë ose jo në kontroll. Dizdari theksoi se në fokus të këtij kontrolli janë të gjitha objektet e kultit dhe jo vetëm xhamitë.
Deklaratat janë bërë nga qyteti i Elbasanit ku u kremtua 10vjetori i krijimit të Qendrës së Bashkëpunimit Ndërfetar. Në këtë takim ishin të pranishëm drejtues të të gjithë besimeve fetare./Balkanweb
