Drejtori i Policisë së Shtetit Haki Çako priti në një takim Ambasadorin e Britanisë së Madhe në Shqipëri, Nicholas Cannon.
Ambasadori Nicholas Cannon ka uruar Drejtorin e Policisë së Shtetit për emërimin në detyrën e re, si dhe vlerësoi marrëdhëniet mes dy policive, veçanërisht në fushën e luftës kundër krimit të organizuar dhe kontrollit të emigracionit ilegal.
Ambasadori britanik ka vlerësuar si një ide të mirë ngritjen e Byrosë së Hetimit.
“Ju duhet që ta ngrini atë duke kapërcyer pengesat ligjore që t’ju ndihmojmë me asistencë. Ne besojmë se ngritja e Byrosë së Hetimit do t’i japë një shtysë luftës kundër korrrupsionit” – tha ambasadori.
Nga ana tjetër, Cannon ka vlerësuar ngritjen e strukturave antiterror dhe ka theksuar faktin se ristrutkrurimi nuk duhet të mbetet në një institucion të vetëm, por është kompleks dhe përfshin një sërë hallkash që duhet të funksionojnë bashkë, si Polici, Prokurori e Gjykatë.
