Ka përfunduar takimi ndërmjet ambasadorit të SHBA’së në Prishtinë, Philip Kosnett, dhe nënkryetares së LDK’së, Vjosa Osmanit.
Takimi nuk ka zgjatur më shumë se 30 minuta, ndërkohë nuk dihet se çfarë mund të ketë qenë temë diskutimi.
Një komunikatë për media që do të lëshohet nga partia që drejtohet nga Isa Mustafa, pritet që të japë detaje rreth takimit Kosnett-Osmani.
Në të njëjtën kohë, në selinë e LDK’së është mbajtur edhe takimi mes grupeve punuese për arritjen e koalicionit me VV’në.
Dy grupet punuese të Lëvizjes Vetëvendosje dhe Lidhjes Demokratike të Kosovës po vazhdojnë takimet në përpjekje të arritjes së një marrëveshje për koalicion qeverisës.
Kujtojmë se nga takimi i fundit, dy partitë janë pajtuar për formatin qeverisës me 12 ministri.
Takimi i parë LDK-VV pas zgjedhjeve ka ndodhur mes dy kandidatëve për kryeministër, Albin Kurtit dhe Vjosa Osmanit, e shoqëruar nga kryetari i LDK-së, Isa Mustafa.
Ndryshe, sipas rezultateve preliminare të Komisionit Qendror të Zgjedhjeve, Vetëvendosje ka dalë partia e parë me 25.50 për qind, e pasur nga Lidhja Demokratike e Kosovës me 24.83 për qind.
g.kosovari