Ambasada e Shteteve të Bashkuara të Amerikës ka përshendetur miratimin Amendamenteve Kushtetuese nga Komisioni i Reformës në Drejtësi.
Nëpërmjet një deklarate shëprndarë për mediat, ambasada e SHBA jep mbështetjen e plotë të saj për Draftin.
Po ashtu, SHBA nxit për dialog për gjetjen e zgjiedhjes midis mazhorancës dhe opozitës për çështjen e ‘vendeve të rezervuara’. Edhe njëherë, SHBA nxit të gjithë deputetët individualisht të votojnë pro reformës.
Ja deklarata e plotë:
SHBA Mirëpret Miratimin e Projekt-Amendamenteve Kushtetuese nga Komisioni i Reformës në Drejtësi
Shtetet e Bashkuara mirëpresin miratimin e projekt-amendamenteve kushtetuese nga Komisioni i Posaçëm për Reformën në Drejtësi i Parlamentit të Shqipërisë. Ky është një hap i rëndësishëm për të shtruar rrugën e miratimit të plotë të një reforme të thellë dhe domethënëse të sistemit të drejtësisë të Shqipërisë.paketa e projekt-amendamenteve ka mbështetjen e plotë të Shteteve të Bashkuara dhe Bashkimit Europian. Nxisim dialogun midis qeverisë dhe opozitës për të zgjidhur çështjen e fundit të mbetur për të cilën kanë mosmarrëveshje dhe nxisim të gjithë anëtarët e parlamentit të votojnë në favor të kësaj reforme. Një vote për këtë reformë është një vote në favor të lëvizjes së Shqipërisë përpara në rrugën e saj drejt integrimit në BE dhe një të ardhmeje më të fortë euro-atlantike.
/a.m.
