Regjisori i njohur Altin Basha u bën thirrje kolegëve të tij që çështja e teatrit mos të përdoret politikisht. Teksa mori pjesë dje në një takim të artistëve për projektin e Teatrit Kombëtar, Altin Basha, ai kërkoi që shumë prej miqve të tij artistë të mos bien pre e politikës.
“Falënderoj të gjithë qytetarët që na mbështesin. Ne artistët nuk jemi të ndarë, por kemi mendime të ndryshme, ajo që është e sigurt është se të gjithë ne shqetësohemi për teatrin U kërkoj politikanëve, dhe të djathtëve, sepse kjo çështje ka marrë pak ngjyra politike, të mos e përdorin politikisht teatrin. Sepse para disa kohësh kryetari i PD-së sot ka qenë dikur Kryetar i Bashkisë së Tiranës, dhe jo vetëm që deshi të bënte stadiumin me kullë, por kërkoi të bënte xhaminë me kullë. Ju lutem deputetëve të secilës palë politike, të tregohen të drejtë me ne artistët dhe të mos e përdorin këtë çështje për interesat e tyre”, deklaroi Basha.
Ky apel i regjisorit Basha vjen katër ditë pasi drejtuesit e sindikatës, Kastriot Çipi dhe Alert Çeloaliaj u fotografuan në ambientet e një lokali në kryeqytet teksa diskutonin me kryetarin e PD, Lulzim Basha. Ndërkohë që një ditë pas këtij takimi, ata morën pjesë dhe në Komisionin parlamentar i cili drejtohet po nga PD.
ma.me
