Regjisori spanjoll Pedro Almodovar, filmi i të cilit “Julieta” është në garë për Palmën e Artë në Festivalin e Filmit në Kanë, i cili fillon të mërkurën, tha se ai mund të jetojë pa çmimin e Palmës së Artë (Palme d’Or), në atë që ai e konsideron si “varësi”.
“Ne (regjisorëtt) mund të jetojmë pa Palme d’Or“, ka thënë kineasti i filmave të njohur (66-vjeçar) në një panel diskutimi në Paris, njoftuan mediat franceze, cituar nga BETA.
Almodovar tha se ndjen nevojën e vetme për të regjistruar filma. “Unë jam një i droguar ndaj filmit dhe ky lloj i varësisë do te thote se nuk është kurrë e thënë që regjisori të heqë dorë”, ka pohuar regjisori spanjoll.
Duke përshkruar filmin e tij të fundit, Almodovar ka thënë se ai u kthye prapa idesë së vjetër të ” hetimit për shpirtrat e grave.”
“Unë kam qenë gjithmonë i rrethuar nga gratë. Gratë janë të ndritshme, me shumë punë dhe vazhdimisht duke folur. Ato e kanë forcuar karakterin tim”, ka thënë regjisori, duke shtuar se ka qenë gjithnjë i interesuar në studimin e amësisë apo atësisë në shume nga filmat e tij.
Filmi “Julieta” është filmi i 20-të i Pedro Almodovar, i cili u bë i famshëm me filmat “Taka të larta”, “Të gjitha për Nënën time”, “Edukim i keq” dhe “Rrëfej asaj “, për të cilën ai fitoi Oskarin prestigjioz për skenarin më të mirë origjinal. (b.an)
