Allegri mendon se Casemiro është çelësi i suksesit për Real Madridin.
Sipas asaj që raporton Marca, trajneri i Juventusit, Massimiliano Allegri, mendon se Casemiro është lojtari kryesor i Real Madridit dhe është duke bërë plan special për brazilianin për finalen e së shtunës.
Sipas Marca-s, Allegri është i fiksuar me Casemiron sepse e di se ai i jep Real Madridit ekuilibër.Marca shkruan se ai i ka kërkuar Dybalas që të jetë i zgjuar dhe ta nxjerrë brazilianin jashtë me karton të kuq.
Tashmë kanë mbetur më pak se 24 orë deri te finalja e madhe e Ligës së Kampionëve ku Juventusi dëshiron të shkruajë histori duke kompletuar tripletën, derisa Reali dëshiron ta fitojë sërish Ligën e Kampionëve, diçka që se ka bërë asnjë klub, përgatiti ”Express”. (b.an)
