Ish-kryetari i Departamentit të të Përndjekurve politikë në Partinë Demokratike, Tomorr Alizoti, ishte i ftuar në studion e televizionit ABC News, ku ka komentuar ndër të tjera edhe gjendjen aktuale brenda partisë më të madhe opozitare në vend.
Ai u shpreh i vendosur, se “mea culpa” e Bashës nuk pranohet pa dhënë dorëheqjen.
Alizoti u shpreh se ai duhej të ishte dorëhequr me kohë dhe të lejonte një garë të ndershme brenda PD-së.
Më tej, Alizoti ka komentuar edhe zërat që kërkojnë kthimin e Berishës në krye të PD-së, ndërsa tha se ai është për një garë të ndershme. Nëse shumica e demokratëve do rikthimin e Berishës atëherë ai duhet të rikthehet.
“Nëse e kërkon shumica e demokratëve atëherë ai duhet të vij. Unë jam pro garës. Gara është themeli i demokracisë. Në garë mund të dalin elemente të reja që mund të jenë lider edhe më të mirë se ata që kemi pasur deri më sot.”, – tha Alizoti.
a.ç
