Anëtari i Komisionit të punimeve të Kuvendit të Partisë Demokratike, Enkelejd Alibeaj, prezantoi përballë delegatëve ndryshimet statutore të propozuara nga Kryesia në lidhje me krijimin e Aleancës Qytetare. Sipas Alibeaj, krijimi i kësaj organizata do të shërbejë për afrimin me Partinë Demokratike të intelektualëve të spikatur në shoqëri, por pa qenë nevoja që të jenë anëtarë të kësaj force politike.
Gjithashtu Alibeaj bëri me dije se me ndryshimet në statut, bëjnë që Aleancës Qytetare tu sigurohet ligjërisht 10% e pozicioneve vendimarrëse ose drejtuese të partisë.
Aleanca Qytetare synon të analizojë dhe të japë mendim kritik ndaj politikave, qasjeve dhe nismave të Partisë Demokratike duke ndihmuar partinë të forcojë dialogun dhe debatin konstruktiv me shoqërinë. Dhe pika 4, PD garanton përfaqësimin e Aleancës Qytetare me 10 % në pozicionet vendimarrëve ose drejtuese të partisë”, tha Alibeaj./m.j
