Partia Demokratike shprehu sot shqetësim për situatën e rendit dhe sigurisë në vend duke e cilësua atë ‘dramatike’.
Ngjarjet e fundit kriminale në Tiranë, Shkodër e Kuçovë, sipas PD-së, janë dëshmi e fuqizimit të krimit.
Në një deklaratë për shtyp, kreu i Departamentit të Sigurisë në Partine Demokratike, Enkelejd Alibeaj, tha se lehtësia me të cilën kryhen këto akte të rënda tregon se krimi nuk parandalohet më dhe se reagimi i policisë nuk është efiçent.
“Situata e rendit dhe e krimit është dramatike dhe ne jemi çdo ditë në kontakt me qytetarët që vuajnë pasigurinë për jetën e pronën. Por, ka një zgjidhje për te. Ai duhet shkulur me rrënjë dhe rrënjët e tij janë në qeveri”, deklaroi Alibeaj. (javanews.al / a.r)