Ish-deputeti i Partisë Demokratike, Enkelejd Alibeaj, komentoi për Radar.al lëvizjet e fundit brenda partisë opozitare, duke nxjerrë në pah pazaret dhe marrëveshjet e dyshimta brenda kupolës së PD-së.
Ai shtoi se kjo situatë ka shkaktuar apati brenda partisë dhe ka nxitur lëvizjen e Ervin Salianjit, i cili kërkon ndryshime dhe një rikthim të PD-së në një opozitë aktive. Ish-deputeti gjithashtu vuri në dukje se reforma zgjedhore e propozuar nga vetë opozita ka penalizuar më tej PD-në, duke dobësuar rolin e saj si forcë politike alternative.
“Ka shumë lëvizje politike kohët e fundit që po zhvillohen në Shqipëri. Po zhvillohen në kampin socialist, ka zhvillime dhe në kampin e PD. Janë zhvillime që prekin dhe njërin dhe tjetrin kamp. Është një subjekt politik që vjen nga një humbje e thellë. Një rezultat që as në 97 nuk ka qenë. Përkundër këtij rezultati raporti që është krijuar tashmë në parlament, ku Edi Rama ka 83 mandate të vetat, duket që dhe pesha dhe rëndësia në parlament e PD-së është zero. Ky rezultat i zgjedhjeve influencon dhe në zhvillimet brenda PD. Lëvizja e fundit, lëvizja e z.Salianjit. Lëvizje ku Ervin Salianji ngre pretendimet se partia ka rënë në apati. Është akomoduar në opozitë komode dhe ka shkuar në akuza të tilla që një pjesë e kupolës së lartë të PD-së kanë bërë gjithçka për të qenë në këtë lloj pozicioni sepse sipas tij, duket që janë në një lloj marrëveshje, aleance, pazare me pushtetin. Kërkon që të ndryshojë gjendjen në PD. Ajo se ç’po ndodh është që PD-ja ka humbur, nuk është më një parti alternativë e pushtetit dhe përgjegjësia i bie atyre që e drejtojnë PD-në. Reformën zgjedhore, vetë e propozuan një sistem të tillë që penalizonte PD”, tha Alibeaj.
Aie sheh protestën e paralajmëruar më 24 janar si një ngjarje të paplotë dhe pa ndikim real.
Në një intervistë për Radar.al ky është një “film i stërparë” që nuk pasqyron pritshmëritë e shqiptarëve dhe nuk adreson çështjet reale që preokupojnë qytetarët.
“Sot është një pjesë e opozitës e komprometuar, e kapur ndaj dhe protesta më 24 nuk do të sjellë asgjë. Do grumbullohen ca njerëz, do bëjnë një xhiro në bulevard, do dëgjojnë fjalët e Berishës, të përhershmet, me gjasë do hedhin dhe ndonjë shashkë dhe do ndezin ndonjë zjarr dhe do ikin në shtëpi me bisht ndër shalë. Policia do arrestojë disa prej tyre, për prishje të qetësisë publike, do t’i mbajë në burg 2-3 ditë dhe pastaj do t’i nxjerrë. Ky është një film i stërparë që nuk thotë asgjë për atë çfarë shqiptarët presin. Ky është filmi, as mos kini kërshëri”, Alibeaj.
