Ministri i Brendshëm italian, Angelino Alfano do të zhvillojë së shpejti një vizitë pune në Tiranë.
Gjatë një konference të zhvilluar sot në qytetin e Bolonjës mbi politikat e krizës së emigrantëve, ministri italian ka deklaruar se “do të përpiqet të bëj gjithçka që një ministër duhet të bëj e mund të bëj në limitet e një shteti, për të administruar sa më mirë këtë situatë që është një problematikë botërore e jo vetëm italiane apo evropiane”.
“Qeveria italiane është aktive në të gjitha kufijtë, në kufirin austriak në Brennero, në atë francez, Ventimiglia si dhe në kufirin e rrugës Ballkanike. Në agjendën e punës në ditët e ardhshme kam në program të vizitoj Brennero, Ventimiglia e do të rikthehem në Shqipëri”, tha ai
Alfano theksoi se “ne kemi një strategji mjaft të qartë, strikte në zbatimin e rregullave e në të njëjtën kohë nuk lëmë të vdesë askush. Kjo strategji na lejon të pranojmë në territorin tonë ata emigrantë që kanë të drejtë azili e të riatdhesojmë ata që nuk largohen nga lufta e persekutimi”. (javanews.al / a.r)