Gjatë takimit të sotëm me homologun shqiptar në Tiranë, ministri i Jashtëm italian Alfano garantoi se vendi i tij do të vazhdojë të jetë një avokate e integrimit të Shqipërisë në BE.
Lidhur me zhvillimet e fundit në rajon, dy Ministrat theksuan se fuqizimi i bashkëpunimit rajonal, kultura e dialogut dhe e gjithëpërfshirjes përbëjnë parakusht për thellimin e perspektivës së përbashkët europiane.
Në këtë kontekst, Ministri Alfano vlerësoi maksimalisht lidershipin dhe angazhimin parimor të vendit tonë në rajon.
“Vendet e Ballkanit kanë rëndësi strategjike jo vetëm për Italinë, por për të gjithë Europën. Rreziku i destabilitetit në vendet e Ballkanit po rritet dhe kjo mund të vendosë në dyshim rezultatet e arritura deri tani. BE duhet të riafirmojë rolin e saj si partnere kryesore e rajonit dhe të dërgojë një mesazh të fortë dhe konkret bashkëpunimi në të gjitha vendet e Ballkanit Perëndimor. Italia e konsideron Shqipërinë si një aktor kyç në rajonin e Ballkanit, një aktor që vitet e fundit ka kontribuar për stabilitetin në rajon”, u shpreh Ministri Alfano. /b.d
