Presidenti i Serbisë, Aleksandër Vuçiç, ka bërë betimin për president, të përcjellë nga protesta opozitare të cilat kundërshtuan inaugurimin e tij. Vuçiç, 47 vjeç, është betuar sot në mesditë, për të pasuar presidentin në largim Tomisllav Nikoliç. Në rrugën e tij drejt inaugurimit, protestuesit e mbështetur nga shumica e partive opozitare tentuan të kalonin përpara ndërtesës së Parlamentit në Beograd, para se të pengoheshin nga policia.
“Ju premtoj që do të mbaj paqen dhe stabilitetin dhe do të mbroj të ardhmen e fëmijëve tanë”, ka thënë Vuçiç.
Fitorja e tij në zgjedhjet e 2 prillit erdhi gati një vit pasi, Partia Progesive Serbe, që udhëhiqet nga Vuçiç, i fitoi zgjedhjet parlamentare. Vuçiq ka forcuar kontrollin e tij në pushtet dhe ai e konsideron veten reformator në rrugën e Serbisë drejt anëtarësimit në Bashkimin Evropian. Disa kritikë kanë paralajmëruar se kontrolli i Partisë Progresive Serbe mbi tërë fuqinë legjislative dhe qeverisëse mund të shtyjë Serbinë drejt një autokracie.rel/ma.me
