Aleati më i afërt i Lulzim Bashës, Kreshnik Spahiu ka shpërthyer ndaj komisionerit të Bashkimit Evropian Johannes Hahn, duke deklaruar se ai është 100% gabim.
Në emisionin “Të Pa Ekspozuarit” në News 24, me tone mjaft të ashpra, Spahiu ka ka thënë se Hahn është i pa informuar duke shtuar se komisioneri nuk merr vesh nga politika dhe nuk do t’ja dijë për njerëzit.
“Hanh nuk han pykë fare në kërkesat e popullit dhe jo të partisë Demokratike.
Komisioneri Hahn nuk ja ka idenë fare se çfarë po ndodh në zgjedhjet në Shqipëri.
Çdo shqiptar duhet ta dijë se ndërkombëtarëve nuk ja kërcet fare për të drejtat e njeriut dhe nivelin e demokracisë.
Kanë një problem: Stabilitetin. Për shkak të stabilitetit në rajon ata janë gati t’i venë flakën dhe kazmën parimeve. Hanh është 100% gabim,” shprehet Spahiu
Këto deklarata Spahiu i bën fill pas një letre publike që diplomati i lartë i BE-së i dërgonte qytetarëve shqiptarë ku dha garancinë për tu bërë zgjedhjet dhe se vendimi i opozitës ishte zgjedhja e saj.
c.a
