Aleanca Kuqezi ka reaguar ashpër me anë të një deklarate për shtyp në lidhje me premtimet e pambajtura mbi krizën ekonomike në vend.
Sekretari Organizativ i AK-së, Edmir Dymleku i është drejtuar me dhjetë pyetje qeverisë për premtimet e pambajtura, si dhe duke nxjerrë në pah hendekun e madh të kësaj krize ekonomike që ka kapur vendin tonë përgjatë kësaj qeverisje.
Në emër të Aleancës Kuqezi, Dymleku i drejton këto dhjetë pyetje qeverisë Rama:
1) Ku janë 300 mijë vendet e reja të punës?
2) Taksa progresive do rriste mirqënien e 95% të shqiptarëve. Sa prej tyre u pasuruan?
3) Premtuat mirëadministrimin e sistemit fiskal. Sa është rritja e të ardhurave nga doganat sot?
4) Premtuat që s’do ketë xhandar në dyert e biznesit tuaj. Sa biznese nuk kanë dhënë rryshfet?
5) Sa biznese te reja u hapen dhe sa te vjetra u mbyllen se nuk mbijetuan nga taksat?
6) Sa investime te huaja terhoqet ne shqiperi dhe kush jane emrat e kompanive?
7) Pse rritet çmimin e karburanteve dhe na premtuat uljen?
8) Pse rritët çmimin e energjisë dhe përbetoheshit se do e ulnit?
9) Pse nuk keni rritur pensionet e 650 000 pensionisteve shqipetare?
10) Pse nuk mbani premtimin per uljen e cmimit te ilaceve dhe mjekesi falas?
