Dalin detaje të reja rreth historisë mes studentëve Aldison Beluli dhe Ariela Muratit, 21-vje♪5ares që ai i mori jetën pasi e reja refuzonte të lidhej me të. Një prej shokëve të Aldisonit tregon për njohjen mes shokut të tij dhe viktimës, njohje që sipas tij datonte prej gjimnazit kur dhe i riu ishte dashuruar me vajzën.
Kohë më parë madje, Aldo kishte takuar prindërit e Arielës, për t’i kërkuar atyre dorën e vajzës..
Një tjetër detaj është fakti se prindërit e Aldisonit nuk dinin asgjë për ndjenjat e të birit, pasi ky i fundit nuk i kishte treguar kurrë.
Miku i Aldisoni e përshkruan shokun e tij me këto fjalë, të cilat ai i ka dhënë për gazetën Panorama:
“Unë i njihja familjarisht. E kisha shok Aldon. Ai ishte djalë i qetë dhe nuk i binte njeriu në qafë. E dinim që e donte atë vajzën. Që kur ishin në gjimnaz, Aldo e ngacmonte dhe kish rënë në dashuri me të. E kishte seriozisht, mesa dija unë. Nuk fliste shumë për gjërat e tij, por vajzën e ka dashur qysh në shkollë të mesme”, shprehet ai./a.m.
