Kryeministri i Kosovës, Albin Kurti, në një konferencë për shtyp ka deklaruar se vendi po përballet me një krizë energjetike. Një pyetje interesante ishte ajo e gazetarëve të cilët i thanë se me çfarë ngrohet. Kurti, deklaroi se kur ka shkuar mbrëmë vonë në shtëpinë e tij është ngrohur me batanije.
“Pjesën më të madhe të kohës po më bie të rri ose në makinë duke udhëtuar prej një vendi në një vend tjetër ose në kryeministri, ku kemi një sistem të përgjithshëm të ngrohjes për komplet objektin, e mbrëmë kur kam shkuar shumë vonë në shtëpi jam ngrohur me batanije, por shpresoj kjo pyetja juaj dhe përgjigja ime nuk do të bëjë që nesër deputeti Bekim Haxhiu ta organizojë një konferencë për media”, ka thënë Kurti.
