Deputeti i Vetëvendosjes, Albin Kurti, do të ketë probleme nëse vendos të shkelë në tokën e Norvegjisë. Pas problemeve që ka pasur Kurti me bashkëshorten norvegjeze Rita Augestad Knudesen, për të cilën u raportua se janë divorcuar, Indeksonline mëson se ndaj Kurtit rëndon edhe një denoncim për kërcënim ndaj bashkëshortes së tij dhe sapo të shkojë në Norvegji, ai mund do të arrestohet.
Nga një mike shqiptare e Ritës në Norvegji është mësuar se Kurti e ka kanosur disa herë Ritën, duke e shtyrë këtë të fundit t’i jap fund gjithçkaje. “Po, janë ndarë dhe nuk ka shpëtim martesa e tyre. Kurti e ka kanosur disa herë Ritën për ta rrahur”, thotë kjo mike e Rira Aguestad Knudesen. Sipas saj, ky rast ka më shumë se një muaj që ka ndodhur dhe Rita e ka denoncuar Kurtin në policinë norvegjeze. Sapo Kurti të shkel në tokën e Norvegjisë, ajo thotë se do të arrestohet nga autoritetet e atjeshme. Zëdhënësi i Lëvizjes Vetëvendosje, Frashër Krasniqi ka thënë se është shpifje raportimi se Kurti është ndarë nga bashkëshortja. Ndërsa i pyetur për mundësinë e arrestimi të Kurtit nëse shkon në Norvegji, ai ka thënë se nuk ka informacion për një gjë të tillë.
