Kryetari i Lëvizjes Vetëvendosje, Albin Kurti, ka bërë thirrje për mobilizim për protesta pas paralajmërimit për korrigjimit të kufijve mes Kosovës dhe Serbisë, raporton KTV. Kurti, në mbledhjen e Këshillit të Përgjithshëm të VV-së, ka thënë se Kosova po kalon në një moment të vështirë.
Ai ka bërë thirrje për protesta paqësore kundër idesë së presidentit Hashim Thaçi për korrigjim kufijsh.Sipas tij, ideja për shkëmbim territoresh sjell ndarjen e Kosovës në lumin Ibër dhe ndarjen e Preshevës nga Bujanoci dhe Medvegja.
Kurti ka shtuar se presidenti Thaçi po tenton ta shesë territorin e Kosovës për ta bërë veten të paprekshëm, por ka thënë se nuk do ta lejojnë një gjë të tillë, përgatiti Koha. (b.an)
