Deputetja e PD Albana Vokshi ka dalë së bashku me deputeten Albina Deda nga mbledhja e grupit parlamentar, ku është vendosur që opozita do të votojë në Kuvend, ligjin për Strukturën e Posaçme Antikorrupsion (SPAK).
Pasi ka zbritur shkallët e selisë qendrore të PDsë, Vokshi i është afruar deputetes Majlinda Bregu, e cila shoqërohej me deputetin Eduard Selami duke e ftuar atë për kafe, raporton Shekulli.
Por Bregu e ka refuzuar miken e saj, pasi ajo ishte së bashku me deputeten Albina Dedaj, e cila ditë më parë përmes një reagimi në rrjetet sociale e ka kritikuar ishministren e integrimit për qëndrimet e saj kundër liderit të PD-së Lulzim Basha.
Me anë të një statusi në Facebook, Albina Deda pati ironizuar deklaratat e fundit të Bregut.
“Mendja madhe e zeza të zot’”. Sa gra e vajza ka vendi që do të përfaqësonin me dinjitet, por dhe do të ishin qëndrestare të kauzave të PD….dhe halleve të qytetarëve”, shkruante Deda.
Deputetja Vokshi njihet për miqësinë e saj si me deputeten Bregu, po ashtu dhe me Albina Dedajn prandaj ka qenë e bindur se mund të pajtonte dy mikeshat e saj, por në fund ka dal huq, pasi Bregu ka vazhduar të qëndrojë dhe për disa minuta me Selamin dhe pastaj ka dalë e vetme nga oborri i PD-së.
Tema/d.i.
