Deri në 5.000 xhihadistë mund të jenë ende në Europë, ka thënë kreu i Europolit. Frika për këtë numër ka si pasojë e sulmeve që po ndodhin në Europë. Rob Wainwright, drejtor i agjencisë të BE-së për zbatimin e ligjit, ka parashikuar sulme të mëtejshme nga ISIS.
“Evropa është duke u përballur me kërcënimin më të madh terrorist, dhe kjo gjendje nuk është parë që prej një dekade,” tha ai për një gazetë Gjermane. “Mund të pritet që Shteti Islamik (Isis) ose grupet e tjera terroriste të organizojnë një sulm diku në Evropë me qëllim të arritjes të sa më shumë viktimave në mesin e popullatës civile. “Përveç kësaj, ekziston rreziku i sulmeve të veçanta”.
Europoli vlerëson se ka nga 3.000 deri në 5.000 evropianë të cilët kanë udhëtuar në kampet e trajnimit terroriste jashtë vendit, duke përfshirë edhe ato të drejtuara nga ISIS në territoret e saj në Irak dhe Siri, dhe janë kthyer në shtëpi.
Disa nga sulmuesit në Europë janë realizuar duke përdorur dokumente të rreme ku identifikoheshin si refugjatë, e vetmja mënyrë e lehtë e cila ju mundësonte kalimin nëpërmjet Turqisë, ishujëve grekë deri nëpër Ballkan, duke ngritur frikën se ISIS është duke fluksin e krizës për të kaluar luftëtarët e saj. “Numri në rritje i këtyre luftëtarëve të huaj paraqet sfida të reja për vendet e BE-së,” tha z Wainwright.
Por, ai konfirmoi se nuk kishte asnjë provë konkrete se grupet “sistematike” janë duke përdorur krizën e refugjatëve për të depërtuar në kontinent, duke shtuar se Qendra e re evropiane e Europolit për luftën e terrorizmit ka rritur bashkëpunimet edhe me shërbime të inteligjencës.
Të paktën 700 persona nga Britania e Madhe kanë udhëtuar për të mbështetur ose të luftuar për grupet xhihadiste në Siri dhe Irak, sipas policisë, dhe gjysma e tyre janë kthyer. Një zyrtar i lartë i inteligjencës britanike, tha muajin e kaluar se ishte bërë “praktikisht e pamundur” për zyrtarët e sigurisë për të zbuluar terroristët e mundshëm në mes të refugjatëve.
