Alarm për bombë/ Rrethohet godina e Agjencisë së Inteligjencës në Kosovë, efektivët me qentë kontrollojnë makinën

Një alarm për bombë ka zgjuar në mënyrë të friskhmë Prishtinën mëngjesin e sotëm. Mediat vendase shkruajnë se Agjencia e Inteligjencës në Kosovë është rrethuar me shirita të verdhë të policisë, pasi shumë pranë saj, dyshohet se është vendosur një bombë.

Në fotot e publikuara nga Gazeta Ekspress, shihet qartë mjeti, ku dyshohet se është vendosur edhe bomb për të shpërthyer institucionin mët ë lartë të sigurisë në vend. Efektivë të shumtë kanë rrethuar mjetin, kanë hapur dyer dhe bashkë me qentë po kontrollojnë për lëndën plasëse.

Gjithashtu, të njëjtat medie shkruajnë se në polici, është shopqëruar një person, pronari i mjetit të braktisur që ishte lënë me dyert e hapura pranë AKI-së. Në vendin e ngjarjes kanë arritur edhe zjarrfikësit.

“Sot, 09 tetor 2020, rreth orës 06:15, Policia e Kosovës ka pranuar një informacion se në rrugën Prishtinë drejtimi i Fushë Kosovës, gjendet një person i dyshuar me një veturë. Njësitet policore kanë ndërmarrë veprimet e menjëhershme në vendin e ngjarjes, ku personin e  dyshuar e kanë ndaluar dhe shoqëruar në stacionin policor. Në vendin e ngjarjes janë dalë edhe njësitet kompetente policore të cilat janë duke kryer veprimet e mëtejme policore. Rruga në drejtim të Fushë Kosovës është bllokuar, përderisa të përfundojë kryerja e vendshiqimit të vendit të ngjarjes,”– ka konfirmuar, zëdhënësi i Policisë, Baki Kelani.

g.kosovari