Rreth 100 ndërtesa rreth kryeqytetit rus janë evakuuar, për shkak të kërcënimeve me bombë.
Një seri alarmesh të rreme të marten (5 shkurt) detyruan mijëra njerëz të dilnin nga banesat e tyre në Moskë.
Fëmijët në shkolla, punonjësit e zyrës dhe klientët ishin ndër ata që kishin vetëm pak kohë që të dilnin e të boshatisnin 100 ndërtesa rreth qytetit, thanë njoftimet. Në total, rreth 20,000 njerëz janë evakuuar nga ndërtesat publike, qendrat tregtare dhe shkollat në Moskë dhe në rrethina.
Disa institucione, të tilla si Universiteti Shtetëror Rus i Shkencave Humane, anuluan aktivitetet për gjithë ditën për shkak të ndërprerjes të shkaktuar nga evakuimi masiv.
Javën e kaluar, rreth 55 ndërtesa në Shën Petersburg duhej të evakuoheshin. Kërcënime të ngjashme janë raportuar dhe në disa qytete të tjera si Krasnoyarsk në Siberi dhe Volgograd në jug.
