Në mes rrëmujës e zhurmës së madhe për shëndetin e kandidates demokrate për presidenten e SHBA, Hillary Clinton, vjen një tjetër alarm nga mjeku i njohur, Bennet Omalu.
The Independent, duke iu referuar një postimi në rrjetet sociale të Omalu, një emër shumë i njohur në fushën e tij, shkruan për hipotezën e mundshme të helmimit.
Mjeku u sugjeron drejtuesve të fushatës së Clinton t’i kryejnë asaj analizat toksikologjike në gjak për të zbuluar të vërtetën.
Ai shkruan më tej se nuk ka besim te presidenti rus Vladimir Putin, e as te Donald Trump, rivali i Clinton në këtë garë.
Emri i Putin u lakua gjerësisht kur The Washington Post raportoi, se ai ishte i implikuar në hetimin britanik për helmimin me pasojë vdekjen e Aleksandër Litvinenko, një ish-operativ i KGB-së, në Londër në vitin 2006.
Ndërkohë që Omalu, emër i njohur në fushën e tij u mor specifikisht me për vdekjen e disa lojëtarëve, për të cilët zbuloi se ata kishin prani helmesh në tru, e cila u kishte shkaktuar vdekjen.
Panorama/d.i.
