Një ndër rrjetet më të mëdha botërore, Al Jazeera, ka bërë një shkrim interesant për zgjedhjet presidenciale amerikane dhe mbështjetja por njëkohësisht lidhjet e fuqishme mes kandidates demokrate për presidente, Hillary Clinton dhe kryeqytetit të Kosovës, Prishtinës. Sesi vërehet kjo lidhje e ngushtë e keni të sqaruar në vijim. “Vendosemi te qendra më e madhe tregtare e Prishtinës, ndërtuar në kohën e komunizmit, ku vërejmë veshmbathje të modës së re, por aty lartë shkruan emri i dyqanit: Hillary 2,” shkruan në fillim Al Jazeera. Ajo mirëmbahet nga Elda Morina, 33 dhe vëllai i saj Besiani, 31, ndërsa është hapur në 2002 nga babai i tyre Feim, 69. “Desha të falenderoj Amerikën dhe Hillary Clintonin për çdo gjë që ka bërë për Kosovën,” shprehet Feimi në lidhje me vendosjen e emrit. Për të mos mbaruar këtu, butiku ndodhet në Bulevardin me emrin e burrit të saj, Bill Clinton, përcjell botasot.info.
Duke bërë një rezyme të shkurtër të Luftës së Kosovës, Al Jazeera citon Besianin: “Ne kemi klientë nga e gjithë Kosova, ata preferojnë emrin dhe stilin.” Në 2011 Kosova zgjodhi presidenten e parë grua, ndërsa në 2016 këtë mundësi e ka edhe SHBA. Zgjedhjet presidenciale në vendin e largët, janë shumë aktuale në Kosovë. “Ne kemi simpati të theksuar për këtë familje (Clinton-F. Dika). Ne besojmë se ajo ka një vizion të qartë për të ardhmen amerikane. Ajo do fitojë,” thotë Elda. Në 2010, atëkohë sekretare e jashtme e shtetit, Hillary Clinton vizitoi befasisht këtë butik, dhe fotografitë e kësaj vizite janë të ngjitura në mur. Dyqanet e veshmbathjes Hillary dhe Hillary 2 janë atrakcione për shumë turistë në kryeqytetin e shtetit më të ri europian. Këta ndodhen vetëm disa hapa larg përmendores 3.5 metra të gjatë të burrit të saj, Bill Clinton, vendosur në 2009. Vizitorë të shumta nga bota, përfshirë Kinën, Rusinë, Shqipërinë, ushtarët amerikanë, por edhe nga serbët, shohin këto rrugë. “Ne kemi pasur çdoherë një sekcion dedikuar Hillaryt,” thotë Besian Morina, duke iu referuar disa veshmbathjeve me çmime prej 80-100 euro.
Selvije Haliti, 51, viziton këtë dyqan veshjesh shpesh prej kur është hapur, 2002. Ajo ndjek me entuziazëm garën presidenciale amerikane dhe mbështet afërmendsh Clintonin. “Ne jemi krenarë që ne dimë emrin e Hillary Clintonin si komb, dhe do i jemi falenderues për gjithe jetën,” thotë Haliti, gjatë vizitës në Hillary 2. Por kjo mbështetje vërehet kudo në rrugët e Prishtinës. “Unë e di se gruaja e Bill Clintonin ishte për Kosovën, na mbrojti neve dhe kurrë nuk do e harrojmë këtë,” thotë Dula Jashari, 76, ish polic. “Nëse nuk do ishim me Amerikën, nuk do kishte asnjë shqiptar në Kosovë.” Në fund dëshira e Besianës është, “që të krijojë një ‘brand’ të saj, të quajtur Hillary Brand”.
