Siç shkruan Al Jazeera, Teherani ka deklaruar se është i gatshëm të hyjë në një proces negociatash, por vetëm në rast se vijat e kuqe respektohen dhe merren seriozisht në konsideratë.
Një zyrtar i sigurisë së Teheranit, në një intervistë për Al Jazeera, theksoi se çdo ndërhyrje e mundshme nga Shtetet e Bashkuara mund të shkaktojë përshkallëzim të situatës dhe të çojë në një konflikt më të gjerë rajonal.
“Çdo ndërhyrje nga jashtë rrezikon të futë gjithë rajonin në luftë,” tha burimi, duke dërguar një mesazh të qartë për palën amerikane.
Kjo deklaratë vjen në një moment kur tensionet ndërmjet Teheranit dhe Washingtonit vazhdojnë të jenë të larta, ndërkohë që bisedimet për çështje të ndryshme politike dhe ushtarake mbeten të pazgjidhura.
Analistët vlerësojnë se kjo qasje tregon gatishmërinë e Iranit për dialog, por me kushte.
