Shtyhet sërish procesi gjyqësor për çështjen e 21 Prillit 2021 në ngarkim të Arber Paplekajt.
Raportohet se është rrëzuar kërkesa e avokatëve për ndarjen e dosjes në disa pjesë, pra që policët të gjykohen më vete dhe Paplekaj më vete.
Vrasja e Pjerin Xhuvanit në Elbasan ndodhi katër ditë përpara zgjedhjeve të 25 prillit.
Paplekaj ishte pjesë e grupit të Partisë Demokratike, që ishte ngritur me qëllim mbrojtjen e votës.
Atë ditë, pas një sherri verbal, u përdorën edhe armë, ku u plagosën edhe 4 persona të tjerë.
Paplekaj pranoi krimin dhe u vetëdorëzua në Repartin e Forcave RENEA në Tiranë, duke thënë se qëlloi për vetëmbrojtje pasi u qëllua më parë nga persona që, sipas tij, po blinin vota.
/s.f
