Hysen, Hygerta dhe Amarildo Meta do të vazhdojnë të qëndrojnë në burg. Ka qenë ky vendimi i Gjykatës së Apelit, që rrëzoi kërkesën e tyre për një masë sigurie më të butë.
Ata akuzohen për vrasjen dhe groposjen e babait të tyre Pëllumb Meta, ngjarje e ndodhur në Shkurt të këtij viti në fshatin Shën Vlash të Durrësit.
Fëmijët Meta po hetohen për veprat penale “Vrasje për shkak të marrëdhënieve familjare”, “Mbajtja pa leje dhe prodhimi i armëve, armëve shpërthyese dhe i municionit” dhe ”Fshehja ose asgjësimi i kufomës” e kryer në bashkëpunim.
Prokuroria e Durrësit akuzon si autor të vrasjes djalin e madh të familjes, Hysenin, ndërsa Hygertën e Amarildon si bashkëpunëtorë të tij.
/a.r
