Prokurori i Përgjithshëm i Rumanisë, Tiberiu Nitu dha sot pasdite dorëheqjen, njoftoi agjencia zyrtare rumune e lajmeve, AGERPRES.
”Edhe pse raporti i Mekanizmit të Bashkëpunimit dhe Verifikimit i Komisionit Evropian vlerëson rezultatet e punës sime si prokuror i përgjithshëm, emri dhe posti që unë përfaqësoj janë bashkëshoqëruar me një situatë që mund të ndikojë në imazhin e institucionit që drejtoj dhe për këtë kam vendosur – në shenjë përgjegjësie dhe nderi – të jap dorëheqjen nga pozicioni i prokurorit të përgjithshëm”, thuhet në deklaratën për shtyp të Nitus.
Direktorati Kombëtar rumun Antikorrupsion e akuzon Tiberiu Nitun për përfitim abuziv të eskortës policore, në një çështje kriminale kundër ish-ministrit të Brendshëm, Gabriel Oprea.
Ndërkohë, Bogdan Licu, 46 vjeç, zëvendësprokuror i parë i përgjithshëm, mori sot detyrën e prokurorit të përgjithshëm nç detyrë.
