Akuzat për trafikun e drogës, Tahiri: Ja e vërteta e makinës time
Ministri i Brendshëm Saimir Tahiri, ka hedhur poshtë mbrëmë akuzat për të afërmit e tij në Vlorë që akuzohen si të përfshirë në trafikimin e kanabisit dhe se kanë përdorur një automjet në pronësi të tij. Në një lidhje telefonike në emisionin “Opinion” në Tv Klan, ndërsa moderatori Blendi Fevziu dhe të ftuarit po flisnin pikërisht mbi makinën në fjalë, një Audi me targa AA 003 GB.
Ministri ka hyrë në replika me moderatorin e emisionit e më pas kanë ndërhyrë disa të pranishëm në studio:
Saimir Tahiri: Mos më ndërprit të lutem…
Blendi Fevziu: Nuk do iu ndërpres, po nuk mund të bësh fjalim. Keni marrë detajet e kryeministrit që të mëson se si bëhet gazetaria. Më jepni një përgjigje direkte (për makinën Audi)…
Tahiri: Makina ime është shitur. Në sistem është në emrin tim dhe ua shpjegoj pse. Përmbarimi ma ka bllokuar. Shitja e makines është në deklaratat e pasurisë. Ky polici, Zagani, kë paska njoftuar ky, pasi e ka verifikuar? O të njoftonte Prokurorinë dhe Drejtorin e Përgjithshëm ose mua…
Një nga gazetarët në studio: Ka njoftuar drejtorin e tij, Hitaj.
Tahiri: Kështu thotë Zagani…
