Ministria e Punëve të Brendshme ka reaguar ashpër sot sa i përket akuzave të Partisë Demokratike për lidhjet e disa drejtuesve të policisë me trafikun e drogës.
Në një komunikatë shpërndarë për opinionin publik, MPB thekson se qëllimi i PD është përbaltja e punës së policisë.
“Në mënyrë të përsëritur dhe të përditshme Partia Demokratike publikon nga salla e saj e konferencave të shtypit një fletë-rrufe akuzash false dhe denigruese, ndaj Policisë së Shtetit e drejtuesve të saj” – shkruan MPB
Sipas ministrisë në fjalë, lufta kundër kultivimit dhe trafikimit të kanabisit ka qenë dhe mbetet prioritet i Policisë së Shtetit, e cila në bashkëpunim me partneret ndërkombëtarë, po regjistron edhe këtë vit arritje në këtë luftë.
“Partia Demokratike fatkeqësisht vazhdon të luftoje Policinë e Shtetit, në një përpjekje të marrë dhe të dështuar, shëmbëlltyre e marrëzisë dhe dështimit të Liderit te saj Dixhital” – thotë MPB.
/r.a
