Presidenti Donald Trump ka thënë se dëshiron që ShBA të bëhet një lider në teknologji nëpërmjet konkurrencës dhe jo duke bllokuar të tjerët.
Trump tha se firmat amerikane duhet “të shtojnë përpjekjet e tyre, ose të bëjnë një hap pas.”
Ai nuk përmendi në mënyrë specifike bllokimin e Huaëei-t të Kinës, megjithëse shumë interpretuan komentet e tij si një mbrojtje për firmën.
SHBA ka bërë presion ndaj aleatëve për të përjashtuar gjigantin e telekomit kinez nga rrjetet e tyre të ardhshme 5G.
Disa shtete kanë ndaluar kompanitë që të shpërndarjnë rrjetin 5G për shkak të sigurisë, por shefat e sigurisë kibernetike në Mbretërinë e Bashkuar thanë se rreziqet janë të menaxhueshme.
Në një postim në Twitter, Trump tha se donte “5G, dhe madje 6G, teknologji të re në Shtetet e Bashkuara sa më shpejt të jetë e mundur”.
“Unë dua që Shtetet e Bashkuara të fitojnë përmes konkurrencës, jo duke bllokuar aktualisht teknologjitë më të avancuara. Kompanitë amerikane duhet të shtojnë përpjekjet e tyre, ose të bëjnë një hap pas”, shkruajti Presidenti.
Aktualisht Australia, Zelanda e Re dhe Shtetet e Bashkuara kanë ndaluar Huaëei që të furnizojë rrjetet e tyre. Ndërkohë, Kanadaja ka nisur një hulumtim sigurie në produktet Huaëei për shkak të rrjetit 5G.
E.Xh./
