Kryetari i Bashkisë së Kavajës Elvis Rroshi ka reaguar ndaj akuzave të deputetit të PD-së Eduard Halimi i cili bëri përgjegjës kryebashkiakun socialist për djegien e makinës së shtetasit Armand Teliti.
Në reagimin e tij, kryebashkiaku Rroshi hodhi poshtë akuzat e Halimit, duke i quajtur ato shpifje të ish-ministrit të padretësisë. Sipas Rroshit, pasi humbi zgjedhjet vendore në mënyrë bindëse, Partia Demokratike ka zgjedhur sulmet dhe shpifjet personale.
Në këtët kuadër Rroshi i kërkon Prokurorisë që të marrë Halimin si person që ka dijeni për ngjarjen, ose në të kundër të ndiqet penalisht për pengim të hetimit. Kjo pasi siç nënvizon kryebashkiaku socialist, koha kur politika bën drejtësi dhe shpall fajtorë ka marrë fund.
“Pas humbjes me sukses se zgjedhjeve ne Kavaje, Eduard Halimi, malli i importuar ne qytetin tone dhe i skaduar ne vend qe te dale ne publik dhe te kerkoje falje per humbjen dhe balten e derdhur ndaj kandidateve te koalicionit te majte, vijon qe te beje te njejten gje. Ish Ministri i Pa-Drejtesise ka filluar te beje personin e perndjekur “politik” dhe perpiqet ti shmanget humbjes se tij si i deleguar ne Kavaje dhe qe e ndihmoi PD-ne te zhytej me thelle se kurre ne humbje me paska akuzuar sot per djegien makines se nje zyrtari nga Durresi te cilit as emrin e plote nuk ja di jo me t’i djeg makinen. I bej me dije Halimit dhe gjithe shqupistave se Elvis Rroshi e kalon diten duke u marre me punet e bashkise te cilat nuk jane te pakta dhe se ka as ne model dhe as ne deshirat e tij te merret me makinat e te tjereve. Eduarti me akuzoi per 600 vota te importuara nderkohe qe humbi me 7600, ndaj i bej thirrje te beje pushimet i qete dhe mos shpife pa te drejte. I bej thirrje Prokurorise qe te marre Eduard Halimin si person qe ka dijeni per ngjarjen, ne te kundert te ndiqet penalisht per pengim te hetimit. Ka marre fund koha kur politika ben drejtesi dhe shpall fajtore.” thekson në reagimin e tij Elvis Rroshi
