Pas akuzave të Partisë Demokratike se Ministria e Shëndetësisë nuk i ka dhënë informacionin e kërkuar, ka reaguar institucioni. PD ka kërkuar një sërë informacioni në lidhje me barnat, paisjen e re në shërbimin onkoligj në QSUT si dhe për të sëmurët me HIV AIDS.
Në reagim, Ministria shpjegon se opozita, në vazhdën e sulmeve të saj ka nisur të shpikë e trillojë, si të vetmem mënyrë për të tërhequr vëmendje mediatike.
“Edhe pse në të gjitha rastet Ministria e Shëndetësisë i’u provon me fakte, me zë dhe me figurë drejtuesve të PD-së se janë në padijeni të plotë të realitetit të shëndetësisë në vend, ato vazhdojnë të përbaltin dhe gënjejnë paturpësisht, përherë sipas parimit shpif, shpif, se diçka do të mbetet.
Por sigurisht, deklarata e sotshme e PD-së, nuk është as më pak dhe as më shumë, por një përpjekje e mjeruar e Lulit për të tërhequr vëmendjen nga përballja në dyert e drejtësisë për pasojat e shpifjes ndaj ministrit të shëndetësisë.
MSH i është përgjigjur hollësisht çdo kërkesë për informacion që ka ardhur nga çdo deputet i Kuvendit të Shqipërisë brenda afatave të parashikuara në legjislacionin shqiptar, sic është edhe rasti i praktikave të kontratave të tre parteneriteteve publike-private të MSH-së, të cilat, sic znj. Vokshi pati rastin të njihet personalisht vetë jo më larg se dje, janë tashmë nën administrimin e Prokurorisë.”- shkruhet në reagimin e MSH. javanews/ a.k
