Partia demokratike ka vijuar denoncimin e saj në lidhje me pastërtinë e figurës së kryebashkiakut të ri të Vorës, Agim Kajmaku.
PD pretendon se Kajmaku është një person i cili është ndaluar dhe më pas është larguar nga shteti grek.
Menjëherë pas denoncimit sektori i dekriminalizimit në prokurorinë e përgjithshme ka filluar hetimet për Agim Kajmakun pas kërkesës së PD për verifikimin e pastërtisë së figurës së kryebashkiakut të Vorës.
Kërkesa u ka shkuar ditën e sotme ndërsa pritet që autoritetet shqiptare të dërgojnë letërporosi në Greqi duke kërkuar të dhëna nëse Kajmaku ka qenë ose jo i dënuar në shtetin fqinj.
Sipas PD, Agim Kajmaku i Vorës ka falsifikuar formularin e dekriminalizimit dhe duhet të japë menjëherë dorëheqjen dhe të përballet me drejtësinë!
Denoncimi i PD vjen pas rastit të Valdrin Pjetrit, i cili rezultonte i dënuar dhe dëbuar nga Italia. Fillimisht Pjetri e Mohoi, por pas publikimit të dokumenteve ai hoqi dorë nga drejtimi i Bashkisë së Shkodrës, ndërsa Rama e largoi nga PS.
Aktualisht Bashkia Shkodër drejtohet nga Voltana Ademi, ndërsa PS ka konstituar Këshillin Bashkiak.
Pritet që në ditët në vijim të ketë dhe një përgjigje nga ana e Prokurorisë në lidhje me denoncimet e bëra nga selia blu.
g.kosovari
