Nga Taulant Balla
Degjova sot babain dhe burrin e Argites, te me akuzojne mua dhe Edi Ramen per prerje te paligjshme te pyjeve ne vendin e quajtur Darkat e Lunikut ne Bashkine Librazhd.
Se pari, jam informuar nga autoritetet lokale sot se fotografite e publikuara kane te bejne me nje rast te cilin Inspektoriati dhe Policia e Librazhdit e kane konstatuar 2 muaj me pare dhe eshte kallzuar ne Prokurori. I kemi kerkuar drejtesise te ndershkoje cdo person pergjegjes. Gjithashtu u informova se kompania qe ka patur koncesionin aty deri ne fillim te Moratoriumit te Pyjeve, e ka filluar shfrytezimin ne ate zone dhe e ka firmosur kete kontrate para 6 vitesh, kohe kur Kryeminister ishte vjerri i Jamarberit. Per fat te keq kane qene koncesione shfrytezimi 10 vjecare, por qe moratoriumi i vendosur ne Shkurt 2016 i pezulloi. Jane koncesionet e vjerrit tend, o Jamarber. Dhe ne i kemi bllokuar. Kam votuar une moratoriumin, ndersa vjerri yt, Luli dhe ti ishit kunder.
Se dyti, kam degjuar edhe here te tjera burrin e Argites te me akuzoje dhe nuk me ben pershtypje. As nuk me ben pershtypje qe sa here qe dikush shkel ligjin ne Librazhd, akuzohem une. Edhe kur shkelesi i ligjit eshte nje anetar i Partise Demokratike, perseri akuzohem une. E mirekuptoj edhe kete se ne Librazhd ka edhe demokrate dhe detyren per t’i perfaqesuar ata e kam edhe une. Kompania qe ka patur koncesionin aty, ka sponsorizuar fushaten e Partise se vjerrit tend, o dhendri Saliut.
Se treti, i them dhendrit te Saliut, qe une nuk jam si vjerri i tij. I cili nuk shkon dot ne vendlindjen e vet. Si dashnor i mjedisit do ishte mire qe dhendri te shkonte te protestonte per lejet qe Saliu ka dhene per shkaterrimin e lugines se Valbones. Meqe vjerri nuk shkon dot, ndoshta shkon dhendri.
Kam edhe te tjera per ty Jamarber, vjerrin dhe kunatin tend, por po pres Reformen ne Drejtesi. Ti i di.
