Prokuroria e Vlorës ka kërkuar 9 vite burg për Shpëtim Gjikën, ish-kryetar i bashkisë së Vlorës.
Gjika akuzohet për “shpërdorim detyre” në lidhje dhënien e lejes për një ndërtim të kryer në kundërshtim me ligjin në Vlorë.
Arrestimi i Gjikës 2 vite më parë bëri bujë. Ai nuk u kandidua më nga PS. Pas dhënies së pretencës, tashmë pritet vendimi i gjykatës.
Hetimet ndaj ish kreut të bashkisë së Vlorës kanë nisur që në vitin 2015, në akuzat e ndërtimit të paligjshëm dhe falsifikimit të dokumenteve.
Pasi ishte mbyllur në 2014, çështja u rihap sërish në 2015, ndaj Gjikës dhe dy ish zyrtarëve të tjerë Doriana Sulaj dhe Artur Harxhi. Hetimet rinisën për dhënien e lejes së ndërtimit për një pallat 11-katësh në qytetin bregdetar./a.m.
