AKU ka reagur për pesticidin e rrezikshëm “Metomil 90”, që hyn kontrabandë në Shqipëri duke iu shmangur edhe filtrave të AKU-së.
Në një prononcim për TCH drejtori i përgjithshëm të Autoritetit Kombëtar të Ushqimit tha se ka paditur një shitës në Lezhë
“Kontrolli i inputeve ushqimore është një nga komponentët shumë të rëndësishëm që mbulon AKU, në këtë kuadër edhe indiciet ashtu kanë qenë një shtysë më shumë për të trajtuar çështjen në tërësi. Ka rezultate spektakolare krahasimisht me vitin më parë për inputin e produkteve bujqësore. Edhe për pesticidin kemi kontrolluar farmacitë bujqësore. Ju e dini, siç e keni investiguar edhe vetë, mund të futet në sasi shumë të vogla, edhe në xhep mund ta marrë dikush ta kontrabandojë nga kufiri dhe mund të sjellë. Kemi pas raste që i kemi çuar në prokurori, një rast në Lezhë. Jemi të vëmendshëm ndaj çdo lloj zinjalizimi dhe pa dyshim shtysë pozitive ka qenë edhe e juaja dhe ju falenderoj për këtë”, tha Agim Ismaili.
a.ç
