Një vajzë adoleshente dhe një djalë një vit më i madh, janë deklaruar të zhdukur në Maliq të Korçës. Këtë të premte bëri denoncim në polici 61-vjeçarja Gj. H., banuese në fshatin Libonik. Ajo deklaroi se qysh prej së enjtes se i është larguar nga banesa mbesa, S. O., 16 vjeçe. Pas denoncimit të gruas po punohet për gjetjen e saj.
Po të premten, 44-vjeçarja E.L., banuese në fshatin Pojan, kallëzon se i është larguar nga banesa të enjten djali R. L., 17 vjeç.
Nga ana e policisë po punohet për gjetjen e të riut si dhe për të zbuluar nëse mes dy rasteve ka lidhje. (BW)
