Aktorja e njohur Matilda Makoçi pas rikthimit të saj në skenën e aktiviteteve që ndodhi një muaj më parë në ekspozitën e Natasha Begës, ka marrë pjesë në një tjetër aktivitet.
Ajo ka shkuar në një takim me personalitetet që janë rritur në shtëpinë e fëmijëve. Takimi u organizua nga Drejtori i Përgjithshëm i Institutit Kombëtar të Integrimit të Jetimëve Shqiptarë, Ilir Çumani.
Aktorja e njohur Matilda Makoçi është takuar me ish fëmijët jetimë që ishin personazhet realë të filmit “Si gjithë të tjerët” . Tashmë të bërë burra e gra në moshë madhore, ata e kanë lumturuar aktoren me kujtimet e asaj kohe, kur Matilda Makoçi hidhte hapat e para në aktrim. Ishte vetëm rreth 18 vjeç dhe luante rolin e një vajze, që në një botë plot paragjykime dashurohet me një djalë që ishte rritur në shtëpinë ku punonte.
Ilir Çumani, një nga të ata që u rrit vetë në shtëpinë e fëmijës, pohon se e ka ftuar aktoren në kujtim të filmit si gjithë të tjerët, pasi mësoi se ajo do të riniste jetën e saj artistike.
Vetë Çumani ka qenë protagonist në këtë film dhe thotë se takimi i aktores me protagonistët e filmit konsiston në përpjekjen që ai bënë për të përcjellë përmes përvojës personale traditën më të mirë nga e kaluara, ku sipas tij: edukatorët e shtëpisë së fëmijëve të asaj kohe kanë dhënë gjithçka mundën për jetimët.
“Synimi është të tërheqim vëmendjen për aktorët politikë që të rrisin standardet e shtëpive të fëmijëve, jo vetëm si një marrëdhënie zyrtare”, tha Çumani.
Pasi kujton se filmi “Si gjithë të tjerët” ishte një propagandë e mirë që nxiste humanizmin, Drejtori i Përgjithshëm i Institutit Kombëtar të Integrimit të Jetimëve Shqiptarë pohon se sot nuk kemi modele të mira që tregojnë se shoqëria e sotme tregon investimin që ka bërë shoqëria në aspektin profesional e shpirtëror për këta fëmijë.
Çunami poston në Facebook një foto me aktorin Edmond Topi si simbol të ngjashmërisë së ëndrrës së projektuar në film me realitetin e tij. Çumani përmend kontributin e skenaristit Ruzhdi Pulaha, të Evanthi Cikos, Kristina Kumit, Persa Grabovës e Aneta Shuteriqit që bën gjithçka mundën për fëmijët e mbetur jetimë. Ndërsa për Matilda Makoçin, të cilën e shihte me sytë e një fëmije shprehet se ishte e mrekullueshme, e ëmbël dhe delikate në atë film./Shqiptarja.com/
ma.me
