Aktori Latert Vasili nga studio e lajmeve në RTV Ora, ku është duke komentuar protestën e artistëve, sulmoi marrëveshjen e Aleancës për Teatrin me PD-në.
Vasili tha se ata që nënshkruan sot janë të këshillit kombëtar seksioni për kulturën të PD-së, të njëjtët që i dërgonin mesazhe aktorëve, ndërsa mbanin tryeza diskutimi me ish-ministren e Kulturës, Mirela Kumbaro.
“Korrikun e vitit të kaluar grupet e interesit u ftuan në një tryezë për të diskutuar mbi ligjin dhe godinën për teatrin. Në takimin e parë u dallua grupi që donte të sabotonte këtë tryezë të rrumbullakët. Dolën në media mesazhe në celularë që dërgoheshin gjatë mbledhjes nga anëtarë të këshillit kombëtar seksioni për kulturën të PD-së ku shkruhej “mos lini njeri të flasë, bëni sherr”. U kapën edhe emrat dhe janë pikërisht këto emra që sot i pamë në firmosjen e një kontrate qesharake me kryetarin e opozitës me anëtarët e seksionit të kulturës së PD-së. Ky pushtim është për guines, kjo që po ndodh. Njerëzit të cilët sot firmosën janë në Këshillin Kombëtar seksioni i Kulturës për PD-në. Pra teatri sot është marrë peng nga seksioni i kulturës së PD-së, sepse atyre nuk u intereson e reja, zhvillimi. Nuk u intereson një godinë e ren, por u intereson që aktorët të jenë të sëmurë, të vijnë të dridhen nga i ftohti dhe spektatorët. Hedhin baltë ndaj një teatri të ri që është Art Trubina, nuk vijnë dhe shohin shohin shfaqjet seksioni i kulturës së PD aty sepse e abandonojnë. Këtu nuk flitet për teatrin, por bëhet fjalë për grupime politike që i bëjnë karshillik njeri-tjetrit se kush do të dalë më i forti”, deklaroi akstori Laert Vasili.
g.kosovari
