Në një event të dedikuar grave dhe vajzave socialiste, Kryeministri Edi Rama ka theksuar rolin thelbësor të grave në rrugëtimin e Shqipërisë drejt Bashkimit Europian. Duke përdorur një gjuhë simbolike dhe emocionale, Rama deklaroi se “Shqipëria është grua, Europa është grua”, duke nënvizuar mbështetjen e madhe që gratë i japin Partisë Socialiste dhe vizionit të saj për të ardhmen.
Ai vlerësoi kontributin dhe sakrificat e grave, duke i cilësuar ato si çelësin e suksesit për Shqipërinë në rrugën drejt BE-së deri në vitin 2030.
Edi Rama: Gratë mbështesin PS-në më shumë sesa PD-në. PS ka me vete pjesën më sakrifikuese të popullit shqiptar. Unë këtë mbështetje nuk do e ndërroja kurrë me mbështetjen e pjesës tjetër, mbështetjen e burrave dhe djemve. Mbështetjen dhe të burrave e çmoj, por mes dy palëve, nuk ka diskutim që zgjedh nënat, bijat e motrat.
