Me përfundimin e afatit për vetëdisiplinimin e situatës me ujin e pijshëm, Task-Forca e Bashkisë së Tiranës dhe Ujësjellës-Kanalizimeve Tiranë nisi sot në terren aksionin për verifikimin dhe ndërprerjen e të gjitha rasteve të lidhjeve të paligjshme nga bizneset, me synim përmirësimin e situatës së furnizimit me ujë të pijshëm në kryeqytet. Në ditën e parë është arrestuar një biznesmen, ndërsa 4 të tjerë janë shoqëruar. Tetë grupet e Task-Forcës, me ndihmën e Policisë së Shtetit, Policisë Bashkiake dhe stafit teknik të Ujësjellës-Kanalizimeve të Tiranës, u përqendruan në zonën e Astirit dhe të Dajtit.
Në zonën e Dajtit, u bënë 15 verifikime të hollësishme në biznese të dyshuara për lidhje të paligjshme, si dhe 10 të tjera në zonën e Astirit. Nga kontrolli rezultuan katër raste të abuzimit me ujin e pijshëm. Gjithashtu, në dy linjat kryesore të transmetimit, ajo dn 700 dhe dn 1000, që dalin nga impianti i Bovillës, u konstatuan gjithsej 14 lidhje të paligjshme. Aktualisht procesi i verifikimit të lidhjeve të paligjshme në këto tubacione po vijon ende. Ndërkohë, afati për vendosjen e lidhjeve të ligjshme dhe me kontratë më UKT është zgjatur deri më 28 shkurt vetëm për konsumatorët familjarë.
Në Shkodër shoqërohet nga policia një biznesmen
Ne kuader te Reformes Kombetare te Ujit, Task-Forca e Ujësjellës Kanalizimeve në Shkodër ka zbritur ne terren per te vendosur masa administrative per bizneset qe nuk kane lidhur kontratat. Raport Tv mëson se një person është ndaluar nga policia në një biznes në qendër te qytetit të Shkodrës në rrugën “Wilson”. Ndërsa në terren janë dy grupe te Task-Forces, një në qendër dhe një tek Stacioni i Trenit në kryeqendren veriore. Kush nuk ka lidhur kontratat do te ndiqet penalisht dhe do vendosen gjoba te cilat variojne nga 1 milion deri ne 10 milione leke te vjetra.
