Kryebashkiaku i Tiranës ka mbledhur në një takim administratorët e Tiranës në lidhje me pastrimin dhe mirëmbajtjen e qytetit. Veliaj u shpreh se aksione të tilla do të ndërmarrim vazhdimisht dhe se “kemi vënë gjoba banorëve që s’hedhin plehrat në kosh”.
“E kemi ne në dorë për ta bërë vendin sa më të pastër. Bllokimi i punës nuk është sfidë por budallallëk”, u shpreh Veliaj në takimin me administratorët, ku theksoi se, “Ne do të bëjmë aksione pastrimi në pikat “hot spot” dhe se ky aksion do të vijojë edhe nesër në të gjitha lagjet e Tiranës”.
“Me inercinë e aksionit do bashkohemi nesër në nivel lagje në të gjithë Tiranën. Reduktuam 60% qeset duke vendosur çmim. Nga një situatë në 300 hotspote nesër kemi identifikuar 35. Ka një ndryshim si nata me ditën por do duam të jetë edhe më e mire kjo situatë”, u shpreh Veliaj.
a.ç
