Prishja e katër objekteve pa leje në zonën e Shkozës ka sjellë edhe protestën e disa banorëve paraditen e së hënës.
Në lidhje me pretendimet, IKMT ka reaguar publikisht duke u shprehur se aksioni ka qenë në përputhje të plotë me ligjin.
Në deklaratë, ky institucion shton se banorët e prekur nga aksioni do të trajtohen me bonues qeraje nga Bashkia e Tiranës.
Reagimi i plotë
Nisur nga interesi publik, në sqarim të banorëve dhe në zbatim të ligjit, lidhur me shembjet e disa objekteve në zonën e Shkozës, Inspektorati Kombëtar i Mbrojtjes së Territorit (IKMT), risqaron se:
1) IKMT ka planifikuar shembjen e 16 objekteve me funksione të ndryshme 1, 2 dhe tre kate nëntokë. Kjo në kuadër të projektit “Unaza Lindore” Tiranë, Lot 3 (Shkozë).
2) Veprimet e IKMT janë bazuar në ligj dhe kanë nisur pas vendimeve për përjashtim nga legalizimi të këtyre objekteve si dhe pas trajtimit me bonus qeraje nga Bashkia e Tiranës, të familjeve.
3) Objektet janë boshatisur vetë nga poseduesit e tyre dhe janë gati për shembje nga IKMT. Deri tani janë shembur katër objekte.
/A.Rada
