Gazetari Trashëgim Sokolaj tha se krahas Samuel Troshanit dhe Izmir Sakicës, emri i tretë për të cilin është dhënë masë sigurie është Xhuljo Vuksani, personi që dyshohet se ka drejtuar automjetin që përdorën autorët e masakrës së Dobraçit në Shkodër, ku humbën jetën katër persona.
Në një intervistë për “ABC News”, gazetari tha se prezenca e herëpashershme e RENEA-s në Shkodër nuk bëhet vetëm për shkak të hetimeve që po kryhen për këtë ngjarje, por edhe për shkak të informacioneve se mund të kryhet një hakmarrje apo për prezencën e mundshme të Ibrahim Licit.
“Përveç këtyre që kanë qenë në kërkim policor për masakrën e Dobraçit, Sakica dhe Troshani, kemi edhe Xhuljo Vuksanin që dyshohet se ka drejtuar automjetin, që është përdorur nga autorët për realizimin e masakrës. Këto janë tre emrat të cilët ka konfirmim, por ndërkohë për emrin e 4 nuk ka ekzekutim të masës. Megjithëse dyshimet kryesore të prokurorisë janë edhe për atë personazh që është dukur në pamjet që janë shfaqur pas ngjarjes. Unë besoj se krahas veprimeve hetimore dhe sekuestrimit të provave, grupi hetimor ka bërë strategji me prezencën e herëpashershme të RENEA-s në Shkodër. Informacionet policore tregojnë se mund të ketë edhe hakmarrje. Prania e herëpashershme e RENEA-s në Shkodër është edhe me efekt parandalues, bëhet për kontrolle për armë, për persona që janë në në rrethin e konflikteve të kërtij personazhi. Ka pasur informacione edhe më herët, dhe me 12 Dhjetor. Këto janë dy operacione të bëra publike se RENEA tërheq gjithmonë vëmendjen kur lëviz. Kontrollet për Ibrahim Licin janë bërë në Tiranë, Fier, Vlorë nëpër klinika dhe spitale private, ku mendohet se mund të ketë shkuar për të kërkuar ndihmë mjekësore. Ka të bëjë edhe me verifikimin e dyshimeve për një vendndodhje të mundshme të këtij personazhi”, u shpreh Sokolaj.
