Nje operacion i mbajtur teper sekret per te shmangur rrjedhjen e informacionit dhe dekonspirimin e veprimeve policore ka nisur ne oret e para te mengjesit te sotem. Per here te pare gjate ketij viti ne fushaten antikanabis organizohet nje operacion me bashkepunimin e prokurorise, SHCBA (sherbimi ceshtjeve te brendshme administrative), Forcave te Nderhyrjes se Shpejt (FNSH) dhe Drejtorise se Policise Korce. Sot ne Oren 01.00 pas mesnates 40 trupa te FNSH-se Tirane te mbeshtetura me logjistike per aksione antikanabis jane nisur ne drejtim te Kolonjes.
Operacioni per arsye te sekretit hetimor eshte mbajtur i fshehte duke mos e njoftuar policine lokale te komisariatit te Ersekes pasi ka dyshime se efektive te saj bashkepunojne me trafikantet. Ne oret e para te mengjesit trupat e FNSH dhe oficere gjyqsore te Prokurorise dhe SHCBA pas nje udhetimi ne terren te veshtire malor kane mberritur ne destinacion. Zona objektiv I operacionit ndodhet ne nje terren te thelle malor, ne kufi te tre rretheve Kolonje-Permet-Skrapari. Zona eshte shume pak e populluar pasi fshatrat perreth jane thuajse te braktisura nga popullsia lokale. Nga oret e para te mengjesit te sotem e deri pasdite trupat e FNSH kane zbuluar disa parcela te medha me kanabis, ku bima ndodhej ne fazen e pjekjes dhe e ka kaluar lartesine prej 2 metrash. Sasia e bimeve narkotike te asgjesuar nga policia eshte 18 mije rrenje, me nje vlere qe I kalon 10 milione euro.
Dyshohet se narkotrafikantet kane bashkepunuar me oficere te policise lokale kundrejt shumave te medha ne para. Policet e implikuar ne rastin ne fjale dyshohet se u Kane dhene garanci trafikanteve se nuk do preken gjate aksioneve policore ne kembim te pagesave te majme. Po ashtu policet e implikuar kane fshehur informacionin per vendodhjen e parcelave me kanabis dhe kane raportuar te dhena te rreme te eproret e tyre. Ata akuzohen se kane dekonspiruar cdo levizje te policise te trafikantet. Ne oret ne vazhdim pritet te kete arrestime te personave te perfshire ne kete aktivitet kriminal si dhe oficereve te policise qe Kane bashkepunuar me ta. Per shkak te sekretit hetimor nuk jepen ende te dhena se deri ne cfare niveli hierarkik jane oficeret e policise te implikuar ne kete veprimtari kriminale./BW/a.m.
