Janë proceduar penalisht shtatë persona, pasi bllokuan qarkullimin e lirë të automjeteve. Këta persona kishin parkuar dysh dhe në korsi të dedikuara për ambulancat, biçikletat apo këmbësorët.
“Në këtë kuadër, bazuar në nenin 293, janë proceduar penalisht shtetasit A. B., 23 vjeç, K. Ll., 23 vjeç, L. Xh., 24 vjeç, B. F., 25 vjeç, M. Ç., 20 vjeç, 22 vjeç, S. Rr., 20 vjeç dhe L. K., 24 vjeçe, pasi me automjetet e tyre, kanë penguar qarkullimin normal të automjeteve të tjera, duke parkuar në rrugë/korsi të dedikuara për automjetet e emergjencës, transportin publik, për biçikleta, apo vendkalime këmbësoresh”, njofton policia.
Ndërkohë kontrollet në terren vijojnë në mënyrë të përditshme dhe të pandërprerë, në të gjitha akset dhe zonat urbane të kryeqytetit, me qëllim parandalimin dhe ndëshkimin e çdo shkeljeje që cenon rendin dhe sigurinë rrugore.
Policia e Tiranës apeloi sërish të gjithë drejtuesit e automjeteve që të respektojnë sinjalistikën rrugore dhe të parkojnë vetëm në vendet e lejuara, në mënyrë që të mos cenojnë sigurinë rrugore, funksionimin e shërbime.
